Ці можа чалавек адчуваць сябе грамадзянінам сваёй краіны, калі ён не ўжывае родную мову? Напэўна, не. Некалі Францішак Багушэвіч казаў “Мова – гэта адзежа душы”.
Мы – беларусы. Як нам лепш вывучыць беларускую мову? Трэба слухаць і гаварыць з тымі, хто яе добра ведае, трэба глядзець тэлеперадачы, абавязкова чытаць кнігі на роднай мове, якіх у нашай дзіцячай бібліятэцы маецца дастатковая колькасць. Мы маем магчымасць задаволіць цікавасць самых патрабавальных чытачоў. Казкі, прыгодніцкія і фантастычныя аповесці, вершы, творы пра прыроду чакаюць сваіх аматараў. Пра гэта І ішла размова падчас бібліявандроўкі “ Не пакідайце ж мовы роднай…”.
